बेळगाव : कर्नाटक राज्य क्रिकेट संघटना मान्यता प्राप्त, धारवाड विभागीय क्रिकेट संघटना आयोजित केएससीए 16 वर्षांखालील आंतर क्लब क्रिकेट स्पर्धेत आनंद अकादमी अ ने टिळकवाडी कोचिंक अकादमीचा 366 धावांनी पराभव करुन चार गुण मिळविले. सामनावीर हैदरअली सय्यद यांना देण्यात आला. आनंद क्रिकेट अकादमीने प्रथम फलंदाजी करताना 50 षटकात 2 गडी बाद 453 धावा केल्या. त्यात हैदरअली सय्यदने 10 षटकार 23 चौकारासह 212 चेंडूत 231 धावा करुन दुहेरी शतक झळकविले. तर पृथ्वीराज जी.ने 16 षटकार 17 चौकारासह 145 धावा करुन शतक झळकविले. या जोडीने पहिल्या गड्यासाठी 340 धावांची महत्त्वाची भागिदारी केली. स्कंद शेट्टीने 3 चौकारासह 21 धावांचे योगदान दिले. टिळकवाडी कोचिंक अकादमीतर्फे सिद्धार्थ हेगडे व सिद्धार्थ पाटील यांनी प्रत्येकी 1 गडी बाद केला. प्रत्युत्तरादाखल खेळताना टिळकवाडी कोचिंक अकादमीचा डाव 30.2 षटकात 87 धावांत आटोपला. त्यात ओमकार के.ने 3 चौकारासह 25 तर हर्षने 12 धावा केल्या. या दोघांव्यतिरिक्त एकही फलंदाजाने दुहेरी धावसंख्या गाठू शकला नाही.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
