अपघातात राजन तेली जखमी
न्हावेली /वार्ताहर
मळेवाडहून शिरोड्याच्या दिशेने जाणाऱ्या रुग्णवाहिकेचा बुधवारी सकाळी साडे अकराच्या सुमारास मागील टायर फुटल्याने अपघात झाला.या अपघातात रुग्णवाहिकेची रस्त्यालगत असलेल्या वडाच्या झाडाला मोठी धडक बसली.यावेळी रुग्णवाहिकेचे पुढील एअर बॅग उघडल्याने सुदैवाने चालक राजन तेली रा.शिरोडा हे मोठ्या दुखापतीतून बालबाल बचावले.या अपघातात रुग्णवाहिकेच्या दर्शनी भागाचे मोठे नुकसान झाले आहे.या अपघातानंतर शिरोडा पोलिस दुरक्षेत्राचे बीट अंमलदार प्रसाद कदम हे घटनास्थळी येऊन अपघाताचा पंचनामा केला आहे.अपघातातील जखमी राजन तेली यांना उपचारासाठी नजीकच्या रुग्णालयात दाखल करण्यात आले.
