बेळगाव : बेळगाव उत्तर मतदार संघाचे महाराष्ट्र एकीकरण समितीचे अधिकृत उमेदवार अमर यळ्ळूरकर यांच्या जाहीर प्रचाराचा शुभारंभ उद्या मंगळवार दिनांक 25 एप्रिल रोजी सकाळी 8 वाजता कपिलेश्वर मंदिर परिसर येथून होणार आहे.
कपिलेश्वर मंदिर येथे श्री कपिलनाथाचे विधिवत पूजन करून प्रचाराला सुरवात केली जाणार असून यानंतर कपिलेश्वर रोड , तांगडी गल्ली, रामामेस्त्री अड्डा , महाद्वार रोड , संभाजी गल्ली, पहिला क्रॉस, मराठा गल्ली निम्मा भाग, तानाजी गल्ली, भांदूर गल्ली, तहसीलदार गल्ली , कांगले गल्ली ,पाटील गल्ली, पाटील मळा येथे प्रचार फेरी काढून शनी मंदिर परिसर येथे प्रचार फेरीची सांगता केली जाणार आहे.
संध्याकाळी 5 वाजता फुलबाग गल्ली येथील सावंत बिल्डिंग पासून प्रचार फेरीला सुरवात करून संपूर्ण फुलबाग गल्ली, मुजावर गल्ली, शिवाजी रोड , कोनवाळ गल्ली येथून टिळक चौक याठिकाणी फेरी समाप्त केली जाणार आहे .
महाराष्ट्र एकीकरण समितीच्या कार्यकर्त्यांनी मोठ्या संख्येने प्रचार फेरीला उपस्थित राहून महाराष्ट्र एकीकरण समितीचे उमेदवार अमर येळ्ळूरकर याना निवडून आणण्यासाठी संघटीत व्हावे, असे आवाहन करण्यात आले आहे.
