ऑल इंडियन कराटे क्लबला सर्वसाधारण विजेतेपद

बेळगाव : बेंगळूर येथे जपान शुटोकॉन राष्ट्रीय कराटे स्पर्धेत सेल्फ डिफेन्स ऑफ इंडियन कराटे बेळगावच्या कराटेपटूंनी 8 सुवर्ण, 3 रौप्य, 1 कास्य पदकासह बारा पदके सर्वसाधारण विजेतेपद पटकाविले. बेंगळूर येथील सीएमए ग्रॅन्डहॉलच्या सभागृहात घेण्यात आलेल्या या राष्ट्रीय कराटे स्पर्धेत जवळपास भारतातून 1200 हून अधिक स्पर्धकांनी भाग घेतला होता. त्यामध्ये बेळगावच्या सेल्फ डिफेन्स ऑफ इंडियन कराटे संघटनेच्या खेळाडूंनी भाग घेवून यामध्ये 14 वर्षांखालील गटात रिया वेर्णेकर, 13 वर्षांखाली गटात सोहम मांजरेकर, तेजस देशनूर, गुरुवीर कुरणवाडे, मृणाल कुडचीकर, विघ्नेश बाबाचे, अर्शित अरळीकट्टी, शौर्या पुजारी, आर्य द•ाrकर यांनी सुवर्ण पदके तर तेजस्वीनी, महिमा व रवी यांनी तीन रौप्य पदके तर अनिलने कास्य पदक पटकाविले. या कामगिरीबद्दल क्लबचे प्रमुख प्रशिक्षक मधू पाटील यांचाही खास गौरव करण्यात आला. मान्यवरांच्या हस्ते विजेत्या खेळाडूंना सर्वसाधारण विजेतेपदाचे चषक, प्रमाणपत्र देवून गौरविण्यात आले. या सर्व विजेत्या कराटेपटूंना  मास्टर मधू पाटील, प्रसाद पाटील, आकाश पाटील यांचे मार्गदर्शन लाभत आहे.