अभिनेत्रीच्या नव्या चित्रपटाची घोषणा
आलिया भट्ट अलिकडेच ‘रॉकी और रानी की प्रेम कहानी’मध्ये दिसून आली आहे. आता तिने स्वत:च्या नव्या चित्रपटाची घोषणा केली आहे. आलियाच्या या चित्रपटाचे नाव ‘जिगरा’ आहे. निर्मात्यांनी एक अनाउंसमेंट व्हिडिओ शेअर केला आहे. आलिया या चित्रपटाची निर्मिती देखील करत आहे. या चित्रपटाचे दिग्दर्शन वासन बाला हे करणार आहेत.
निर्मात्यांनी जारी केलेल्या व्हिडिओत आलिया भट्ट एक बॅगपॅक घेऊन कुठल्यातरी विचारात हरवून गेल्याचे दिसू येते. या चित्रपटाची कहाणी भावाबहिणीवर आधारित असल्याचे हा व्हिडिओ पाहून वाटते. एक बहिण भावाला सुरक्षित ठेवण्यासाठी कुठल्या थरापर्यंत जाऊ शकते हे या चित्रपटात पाहता येणार आहे.
आलियाने स्वत:च्या कारकीर्दीची सुरुवात करण जौहरच्या धर्मा प्रॉडक्शन्सच्या मदतीने केली होती. आलिया आता याच प्रॉडक्शन्ससोबत मिळून स्वत:च्या नव्या चित्रपटाची निर्मिती करणार असल्याने तिने आनंद व्यक्त केला आहे. या चित्रपटाकडून मोठ्या अपेक्षा असल्याचे तिने म्हटले आहे.
