‘खो गए हम कहां’ या चित्रपटाच्या सीक्वेलमध्ये अलाया

अभिनेत्री पूजा बेदीची कन्या अलाया फर्निचरवालाने अनेक चित्रपटांमध्ये काम केले असून स्वत:च्या अभिनयाद्वारे तिने प्रेक्षकांची मने जिंकली आहेत. अभिनेत्रीने ‘जवानी जानेमन’द्वारे बॉलिवूडमध्ये पदार्पण केले होते आणि ‘फ्रेडी’, ‘बडे मियां छोटे मियां’ तसेच ‘श्रीकांत’ यासारख्या चित्रपटांमध्ये काम केले आहे. चाहते आता तिच्या नव्या  चित्रपटाची आतुरतेने प्रतीक्षा करता आहेत. अलाया आता ‘खो गए हम कहां’ या चित्रपटाच्या सीक्वेलमध्ये मुख्य भूमिका साकारणार आहे. या सीक्वेलमध्ये अलाया ही सिद्धांत चतुर्वेदी, अनन्या पांडे आणि आदर्श गौरवसोबत मोठ्या पडद्यावर झळकणार आहे. अर्जुन वरैन सिंहच्या दिग्दर्शनात साकारलेल्या ‘खो गए हम कहां’मध्ये सिद्धांत चतुर्वेदी, अनन्या पांडे आणि आदर्श गौरव हे कलाकार मुख्य भूमिकेत होते. सोशल मीडियाच्या दबावानंतरही तीन मित्र स्वत:चे लक्ष्य आणि नात्यांना पुढे नेत असल्याचे या चित्रपटात दाखविण्यात आले होते. कल्कि केकलां, आन्या सिंह आणि रोहन गुरबक्सानी हे कलाकारही यात दिसून आले होते. अलायाने चालूवर्षात ‘बडे मियां छोटे मियां’ या चित्रपटात अक्षय कुमार आणि टायगर श्रॉफसोबत काम केले होते. तर ‘श्रीकांत’ या चित्रपटात ती अभिनेता राजकुमार रावसोबत दिसून आली होती. अलाया आता लवकरच अन्य काही बिगबजेट चित्रपटांमध्ये दिसून येणार आहे.