यू मुंबाच्या विजयात अजितची चमक

हैदराबाद : 2024 च्या प्रो कब•ाr लीग स्पर्धेतील येथे खेळविण्यात आलेल्या अटीतटीच्या सामन्यात यू मुंबा संघाने पाटणा पायरेटस्चा 42-40 अशा दोन गुणांच्या फरकाने पराभव केला. या सामन्यात यू मुंबा संघातील अजित चव्हाणने शानदार कामगिरी करताना आपल्या 18 चढायामध्ये 19 गुण वसुल केले. तर पाटणा पायरेटस्तर्फे देवांक दलालने दर्जेदार खेळ करत 15 गुण मिळविले. हा सामना सुरुवातीपासून ते शेवटच्या क्षणापर्यंत चुरशीचा झाला. देवांक दलाल आणि आयान लोहचाब यांनी पाटणा पायरेट्स संघाला चांगली सुरुवात करुन दिली. सुनीलकुमारच्या नेतृत्वाखाली यू मुंबा संघाच्या आघाडी फळीतील खेळाडूंनी देवांक आणि लोचाब यांची पकड यशस्वी केली. त्यानंतर लोहचाबच्या चढाईने पाटणा पायरेटस्ला महत्त्वाचे दोन गुण मिळाले.