जितोचे अध्यक्ष मुकेश पोरवाल यांची पत्रकार पाfरषदेत माहिती
बेळगाव. जैन इंटरनॅशनल ट्रेड ऑर्गनायझेशन जितो लेडीज विंगच्या वतीने देशभरात अहिंसा रण मॅरेथॉन होत असून बेळगावमध्येहि 2 एप्रिल रोजी मॅरेथॉनचे आयोजन करण्यात आले आहे. अशी माहिती अध्यक्ष मुकेश पोरवाल यांनी बेळगाव येथे आयोजित पत्रकार पाfरषदेत दिली.
बेळगावातील कॅम्प पाfरसरातील मराठी विद्यानिकेतन शाळेच्या प्रांगणातून या मॅरेथॉनला सुरुवात होणार आहे, कमांडर कर्नल मनोज शर्मा आणि डीसीपी स्नेहा पी. व्ही. अहिंसा रन ला चालना देतील. मॅरेथॉन 3 किमी, 5 किमी आणि 10 किमी अशा तीन प्रकारांमध्ये होणार आहे. या मॅरेथॉनमध्ये सर्व गटातील लोक सहभागी होऊ शकतात. तसेच या कार्यक्रमासाठी आतापर्यंत 1200 जणांनी नाव नोंदणी केली असून बेळगावमध्ये हा विक्रम ठरणार असल्याची माहिती त्यांनी दिली.
जितो एपेक्स व्यवस्थापन मंडळाच्या निर्णयानुसार या मॅरेथॉनचे आयोजन करण्यात आले आहे. जितो अहिंसा रन बेळगावसह भारतातील 65 प्रमुख शहरे आणि इंग्लंड, अमेरिकेसह 20 आंतरराष्ट्रीय शहरांमध्ये होणार आहे.
भगवान महावीर जन्म कल्याणक 4 एप्रिल रोजी होणार आहे. यानिमित्त या मॅरेथॉनच्या माध्यमातून समाजात शांतता आणि अहिंसेचा संदेश देण्याचा उद्देश आहे. मॅरेथॉनमध्ये जास्तीत जास्त लोकांनी सहभागी व्हावे, आणि अधिक माहितीसाठी 9141382211 किंवा 9714269115 या क्रमांकावर संपर्क साधावा, असे आवाहन करण्यात आले आहे.
पत्रकार पाfरषदेत समन्वयक डॉ. अंजना बागेवाडी, विनया बाळीकाई, जितो लेडीज विंगच्या सरचिटणीस रोशनी खोडा, भारती हरदी, युथ विंगचे उपाध्यक्ष दीपक सुभेदार, सरचिटणीस दीपक पोरवाल आदी उपस्थित होते.
