अगस्त्य नंदाला मिळाला बायोपिक

बॉलिवूडचा महानायक अमिताभ बच्चन यांचा नातू अगस्त्य नंदा बहुप्रतीक्षित ‘द आर्चीस’मधून बॉलिवूडमध्ये पदार्पण करणार आहे. जोया अख्तरकडून दिग्दर्शित या चित्रपटात शाहरुख खानची कन्या सुहाना, श्रीदेवीची मुलगा खूशी कपूर देखील दिसून येणार आहे. याचदरम्यान अगस्त्य नंदाला आणखी एका चित्रपटात काम करण्याची संधी मिळाली आहे. अगस्त्यचा द आर्चीज हा चित्रपट लवकरच ओटीटीवर प्रदर्शित होणार आहे. परंतु त्यापूर्वीच तो दुसऱ्या चित्रपटाचे चित्रिकरण सुरू करणार असल्याचे समजते. अगस्त्य आता 1971 च्या भारत-पाक युद्धातील नायक अरुण खेत्रपाल यांच्या जीवनावर आधारित चित्रपटात मुख्य भूमिका साकारणार आहे. खेत्रपाल हे बसंतर येथील संघर्षात हुतात्मा झाले होते. अरुण खेत्रपाल हे सर्वात कमी वयात परमवीर चक्र विजेते सैनिक ठरले आहेत. वयाच्या 21 व्या वर्षीच त्यांनी देशासाठी हौतात्म्य पत्करले होते. या चित्रपटाचे नाव ‘इक्कीस’ ठेवण्यात आले असून याचे दिग्दर्शन श्रीराम राघवन करणार आहेत. राघवन यांनी अंधाधुन अन् बदलापूर या चित्रपटांचे दिग्दर्शन केले होते. हा नवा चित्रपट 15 डिसेंबर रोजी प्रदर्शित होणार आहे.