एएफसी कप उपांत्य फेरीचा ड्रॉ जाहीर

कौलालंपूर : सध्या सुरू असलेल्या एएफसी चषक फुटबॉल स्पर्धेतील आंतर विभागीय उपांत्य फेरीसाठीचा ड्रॉ गुरुवारी येथे काढण्यात आला. या ड्रॉनुसार ओदिशा एफसी संघाला उपांत्य लढतीत आशियाई विभागीय चॅम्पियन्सशी लढत द्यावी लागणार आहे. मात्र या फेरीतील दुसरा संघ अद्याप निश्चित झालेला नाही. एएफसी चषक दक्षिण विभागातून ओदिशा एफसी संघ विजेता ठरला आहे. ड गटातील चालू महिन्याच्या प्रारंभी झालेल्या शेवटच्या सामन्यात ओदिशा एफसीने बांगलादेशच्या वसुंधरा किंग्जचा पराभव केला. अशियाई विभागीय चॅम्पियन्सचा बहुमान सेंट्रल कोस्ट मॅरीनर्स एफसी (ऑस्ट्रेलिया), फिनॉम पेन क्राऊन एफसी (कंबोडिया), मॅकेरथर एफसी (ऑस्ट्रेलिया) आणि सभाह एफसी (मलेशिया) हे चार संघ विभागीय विजेते ठरले आहेत. आता आशियाई विभागीय अंतिम स्पर्धा 22 फेब्रुवारीला खेळवली जाणार असून या लढतीतील विजेत्याबरोबर ओदिशा एफसी संघाचा आंतर विभागीय स्पर्धेतील उपांत्य होणार आहे. आंतर विभागीय अंतिम स्पर्धा येत्या एप्रिल महिन्यात खेळविली जाणार आहे.