भरघोस मतानी झाला विजय
दोडामार्ग : प्रतिनिधी
दोडामार्ग तालुक्यातील आडाळी फोंडिये ग्रुप ग्रामपंचायतीच्या सरपंच पदी ग्रामसमृद्धी पॅनलचे पराग महादेव गावकर भरघोस मतांनी निवडून आले. त्यांना २८० तर प्रतिस्पर्धी उमेदवार कमलाकर सावंत यांना १४० तर गोविंद परब यांना ४१ मते मिळाली. या ग्रामपंचायतीवर ग्रामसमृद्धी पॅनेलचे सातही सदस्य निवडून आले. आपण आडाळी गावच्या विकासाच्या दृष्टीने सातत्याने प्रयत्नशील असून भविष्यातही गावचा सर्वांगीण विकास करण्याचा प्रयत्न राहणार असल्याचे गावकर यांनी सांगितले.
