द केरळ स्टोरीला मिळालेल्या जबरदस्त यशानंतर निर्माते विपुल अमृतलाल शाह आणि अदा शर्मा पुन्हा एकदा एकत्र आले आहेत. ओटीटी प्लॅटफॉर्म डिस्ने प्लस हॉटस्टारवर लवकरच अॅक्शन वेबसीरिज ‘कमांडो’ प्रदर्शित होणार आहे. निर्मात्यांनी याचा टीझर शेअर केला असून यात अभिनेता प्रेम अन् अदा शर्मा दमदार अॅक्शन करताना दिसून येत आहेत. ही वेबसीरिज सुपरहिट चित्रपट फ्रेंचाइजी कमांडो, कमांडो 2 आणि कमांडो 3 ची पुढील साखळी आहे. अदा शर्मा या फ्रेंचाइजीच्या दोन चित्रपटांमध्ये सामील होती.
शौर्य, राष्ट्रभक्ती अन् अजोड अॅक्शन आणि आमचे नायक ‘कमांडो’ची ही कहाणी असल्याचे निर्मात्यांनी म्हटले आहे. कमांडो या सीरिजमध्ये अदा शर्मा हिच्यासोबत वैभव तत्ववादी, श्रेया सिंह चौधरी, अमित तिग्मांशू धूलिया, सियाल, मुकेश छाबडा आणि इश्तियाक खान देखील मुख्य भूमिका साकारत आहेत.
कमांडो ही एक नायक अन् त्याच्या शौर्याची कहाणी आहे. देशभक्ती अन् बंधूभावाच्या प्रवासाची ही कहाणी आहे. ही सीरिज प्रेक्षकांना निश्चितच आवडणार आहे. प्रेमला एका अल्टीमेट कमांडोच्या भूमिकेत सामील करणे आमच्यासाठी अत्यंत योग्य निर्णय ठरला आहे. तो अत्यंत प्रतिभावंत कलाकार असल्याचा दावा दिग्दर्शक अन् निर्माते विपुल शाह यांनी केला आहे.
