सार्वजनिक ठिकाणी मद्यपान करणाऱ्यावर कारवाई

पणजी : दिवाडी बेटावर संशयास्पतरीत्या वावरणाऱ्या आणि सार्वजनिक ठिकाणावर मद्यपान करणाऱ्यांवर ओल्ड गोवा पोलिसांनी कारवाई करून 14 जणांना ओलेड गोवा पोलिसांनी ताब्यात घेतले आहे. याबाबत दिवाडी परिसरातील लोकांनी  तक्रार दाखल केली होती. नदीपलीकडील लोकही उघड्यावर मद्यपान करण्यासाठी येतात, त्याच ठिकाणी कचरा फेकतात आणि मद्याच्या बाटल्या फोडतात त्यामुळे स्थानिकांना गैरसोयीचे होते आणि सार्वजनिक ठिकाणी उपद्रव निर्माण होता. दिवाडी येथील काही स्थानिकांचाही यात सहभाग असल्याचे तक्रारीत म्हटले आहे. ओल्ड गोवा पोलिसांनी या तक्रारीची दखल घेतली व स्थानिकांच्या मदतीने मद्यपान करण्याच्या आणि संशयास्पत फिरणाऱ्या 12 जागा निवडल्या 27 रोजी विशेष मोहिम राबवून या बारा जाग्यांची तपासणी केली व 14 जणांना ताब्यात घेतले. ओल्ड गोवा पोलीस पुढील तपास करीत आहेत.