स्विमर्स क्लबच्या वयस्कर जलतरणपटूंचे यश

बेळगाव :  मंगळूर येथील यम्मीकेरी येथे कर्नाटक जलतरण संघटना व मंगळूर जिल्हा जलतरण संघटना यांच्या संयुक्त विद्यमाने 19 व्या राष्ट्रीय वयस्करांच्या जलतरण स्पर्धेत कर्नाटकाच्या (बेळगाव) स्विमर्स क्लबच्या वयस्कर जलतरणपटूंनी 5 रौप्यपदके पटकावित यश संपादन केले आहे. मंगळूर येथे झालेल्या राष्ट्रीय वयस्करांच्या जलतरण स्पर्धेत बेळगावच्या स्विमर्स क्लबचे जलतरणपटू लक्ष्मण कुंभार, इंद्रजित हलगेकर, मिनल पाटील यांनी यश संपादन केले. लक्ष्मण कुंभार यांनी 50 व 100 मी. ब्रेस्टस्ट्रोक व 50 मी. बटरफ्लॉय स्पर्धेत 3 रौप्यपदके, इंद्रजित हलगेकरने 100 मी. बॅकस्ट्रोकमध्ये रौप्य पदक तर मिनल पाटीलने 100 मी. ब्रेस्टस्ट्रोकमध्ये रौप्यपदक पटकाविले. यांना जलतरण प्रशिक्षक उमेश कलघटगी, अक्षय शेरेगार, अजिंक्य मेंडके, नितीश कुडूचकर, गोवर्धन काकतकर, इम्रान उचगावकर यांचे मार्गदर्शन लाभत आहे.