बॅडमिंटन स्पर्धेत बीडीबीए बॅडमिंटनपटूंचे यश

बेळगाव : फिनिक्स पब्लिक रेसिडन्सी स्कूल आयोजित फिनिक्स चषक आंतरशालेय बॅडमिंटन स्पर्धेत प्राथमिक व माध्यमिक गटात बेळगाव जिल्हा बॅडमिंटन संघटनेच्या खेळाडूंनी घवघवीत यश संपादन केले आहे. या बॅडमिंटन स्पर्धेत प्रथम रायकरने 17 वर्षाखालील गटात विजेतेपद तर पटकाविले आहे. विंद्यासंकल्प कांबळेने उपविजेतेपद पटकाविले. अंतिम सामन्यात ज्ञानप्रबोधन मंदीर व केएलई इंटरनॅशनल स्कूलने 2-0 अशा गुण फरकाने पराभव केले. 14 वर्षाखालील गटात अंतिम सामन्यात नितेश इनामदारने समर्थ दलवाईचा पराभव करून विजेतेपद पटकाविले. समर्थला उपविजेतेपदावर समाधान मानावे लागले. या ज्ञानप्रबोधन मंदीरने केएलईचा 2-0 असा पराभव केला. मुलींच्या 14 वर्षाखालील गटात अल्ड्रीना अँथोनीने अवनी मराबदचा पराभव करून विजेतेपद पटकाविले. अवणीला उपविजेतेपदावर समाधान मानावे लागले. या स्पर्धेत बेळगाव जिल्हा बॅडमिंटन स्पर्धेच्या अल्ड्रीना अँथोनी अवनी मराबद, नितेश इनामदार, समर्थ दलवाई, प्रथम रायकर, विंद्यासंकल्प कांबळे यांनी यश संपादन केले. या सर्वांना बॅडमिंटन एनआयएस प्रशिक्षक भूषण अणवेकर यांचे मार्गदर्शन लाभत आहे. तर अशोक पाटील यांचे प्रोत्साहन लाभत आहे.