मेक्सिकोत दुर्घटना, 19 जणांचा मृत्यू

मेक्सिको सिटी : मेक्सिकोत एक मोठी रस्ते दुर्घटना घडली आहे. मेक्सिकोतील जकाटेकास या प्रांतात एका महामार्गावर बस दुर्घटनाग्रस्त झाल्याने 19 जणांना जीव गमवावा लागला आहे. तर 6 जण जखमी झाले आहेत. एक बस मक्याची वाहतूक करणाऱ्या ट्रॅक्टर-ट्रेलरला मागून धडकल्याने ही दुर्घटना घडल्याचे अधिकाऱ्यांनी सांगितले आहे. ही टक्कर अत्यंत अधिक तीव्रतेची असल्याने दोन्ही वाहने दरीत कोसळली आहेत. सैन्य तसेच अन्य विभागांकडून दुर्घटनास्थळी बचावकार्य हाती घेण्यात आले आहे. जकाटेकासचे गव्हर्नर डेव्हिड मोन्रियल यांनी या दुर्घटनेसंबंधी सोशल मीडियावर पोस्ट करत माहिती दिली आहे. ट्रॅक्टर-ट्रेलरच्या चालकाला अटक करण्यासाठी पोलीस कारवाई करत असल्याचे अॅटर्नी जनरल यांच्या कार्यालयाकडून सांगण्यात आले.