बेळगाव:शाळकरी मुलांना घेऊन जाणारी बस पलटी झाल्याची घटना आज पहाटे बेळगाव शहरामध्ये घडली असून, कोणतीही जीवितहानी नाही.
बेळगाव अंगडी इन्स्टिट्यूटची के ए २२ सी ७४९५ ही बस सावगाव जवळ असताना रस्त्यावरून खाली पलटली. बेनकनहळ्ळी,गणेशपूर, सांवगाव या भागातील मुलांना घेऊन ही बस शाळेला जात होती. समोरून येणाऱ्या वाहनाला वाट देत असते वेळी बसवरील नियंत्रण सुटल्याने ही घटना घडल्याचे समजते. या अपघातात दोन विद्यार्थ्यांसह एक महिला जखमी तसेच इतर किरकोळ जखमी झाल्याची माहिती मिळाली आहे.
