प्रतिनिधी/संगमेश्वर
मुंबई-गोवा राष्ट्रीय महामार्गावर तुरळ येथे कंटेनर व आराम बसमध्ये झालेल्या अपघातामध्ये दोन्ही वाहनांचे मोठे नुकसान झाले आहे. हा अपघात शनिवारी पहाटे 4 वाजण्याच्या दरम्यान घडला.
मुंबई-गोवा राष्ट्रीय महामार्गाचे चौपदरीकरणाचे काम सुरू आहे, मात्र या कामांतर्गत कोणतीही पूर्वनियोजित उपाययोजना केली जात नसल्याने अपघातांचे प्रमाण वाढले आहे. शनिवारी पहाटेच्या 4 च्या दरम्यान महामार्गाच्या रस्त्याच्या कामाचा अंदाज न आल्याने आराम बस व कंटेनरमध्ये झालेल्या अपघातात आराम बसचे मोठे नुकसान झाले.
