नंद्रण मोले येथे अपघात; कारचालक जखमी

धारबांदोडा : नंद्रण मोले येथे राष्ट्रीय महामार्गाच्या वळणावर लक्झरी बस व इनोवा कार यांच्यात झालेल्या अपघातात कारचालक मोहम्मद गौस (40) गंभीर जखमी झाला आहे .सदर अपघात मंगळवारी सकाळी सुमारे 7.45 सुमारास घडला. कुळे पोलिसांनी दिलेल्या माहितीनुसार, इनोव्हा कार क्रमांक उA 05A 9977 ही मडगाव हून हुबळीला एका लग्न समारंभाला जात होती. या कारमध्ये एकूण तीन प्रवासी होते. ते किरकोळ जखमी झाले आहेत. तर ऱ्थ्01ँ1589 ही  लक्झरी प्रवासी बस बेळगावहून गोव्याच्या दिशेने येत होते. इनोवा कार चालकाचा वाहनावरील ताबा सुटल्याने त्याने थेट धडक समोरून येण्राया लक्झरी बसला दिली. धडक इतकी जबरदस्त होती की इनोव्हा कारचा पुढील संपूर्ण भाग चक्काचूर झाला आहे. जखमीना प्रथम पिळये येथील प्राथमिक आरोग्य केंद्रात हलविण्यात आले. त्यानंतर कारचालक गौस यांना गोमेकॉत हलविण्यात आले आहे. दशरथ गावस यांनी पंचनामा केला.