भुवनेश्वर घटनेचा एबीव्हीपीकडून निषेध

बेळगाव : ओडिशातील भुवनेश्वरमध्ये 19 वर्षीय अभियांत्रिकी विद्यार्थिनीवर एनएसयूआयच्या अध्यक्षाने अत्याचार केला. या घटनेच्या निषेधार्थ ठिकठिकाणी निदर्शने करण्यात आली. यानंतर यातील संबंधितांना अटक करण्यात आली असून, या घटनेतील आरोपींना फाशीची शिक्षा देण्याची मागणी एबीव्हीपीच्यावतीने करण्यात आली. या घटनेचा निषेध करत राणी चन्नम्मा सर्कलमध्ये निदर्शने करण्यात आली. यानंतर जिल्हाधिकाऱ्यांना निवेदन देण्यात आले. मार्चमध्ये सदर विद्यार्थिनीला बोलावून घेऊन एनएसयूआयच्या अध्यक्षाने तिच्या शितपेयामध्ये झोपेच्या गोळ्या मिसळल्या. यानंतर तिच्यावर अत्याचार करण्यात आला. याचे पडसाद सर्वत्र पसरताच या घटनेविरोधात निदर्शने करण्यात आली. यानंतर यामध्ये सामील असलेल्या संशयितांना अटक करण्यात आली. या घटनेची सखोल चौकशी करून संबंधितांना फाशीची शिक्षा सुनावण्यात यावी, अशी मागणी करण्यात आली. यावेळी प्रथमगौडा पाटील, निंगराज पुजारी, राकेश राठोड, कुमार लमाणी, सचिन हिरेमठसह विद्यार्थी सहभागी होते.