पाचगाव प्रतिनिधी
पाचगाव येथील गरुड तलावाच्या काठाला सोमवार पासून बेवारस अवस्थेत हिरो होंडा कंपनीची स्प्लेंडर मोटरसायकल आढळून आली आहे . या मोटरसायकलची पुढील आणि मागील बाजूची नंबर प्लेट काढण्यात आली आहे. रस्त्यावरून तलावाच्या काठावरून ही मोटरसायकल अज्ञातानी तलावात खाली ढकलून दिली आहे. पाणी कमी असल्याने तलावाच्या काठालाच ही मोटरसायकल पडलेली आहे. पाचगाव येथील गरुड तलाव हा लोकवस्ती पासून बाहेरील बाजूला निर्जन स्थळी आहे .नंबर प्लेट काढून मोटरसायकल खाली ढकलून देण्यामागचे कारण काय याचा तपास पोलिसांनी करावा अशी मागणी होत आहे.पाचगाव चे उपसरपंच संजय शिंदे यांनी सहकाऱ्यांसह घटनास्थळी भेट देऊन पाहणी केली.
