राष्ट्रीय स्पर्धेसाठी 11 जलतरणपटूंची निवड
बेळगाव : कर्नाटक राज्य शिक्षण खात्याच्या राज्य पातळीवरील 14 व 17 वर्षाखालील मुला-मुलींच्या जलतरण स्पर्धेत आबा व हिंद स्पोर्ट्स क्लबच्या जलतरणपटूंनी घवघवीत यश संपादन करीत 8 सुवर्ण, 17 रौप्य व 24 कांस्य पदकांसह 49 पदकांची लयलूट केली. बसवनगुडी, बेंगळूर येथील जलतरण तलावात झालेल्या स्वरूप धनुचे, वेदांत पाटील, तनुज सिंग, वेदा खानोलकर, प्रणाली जाधव, दिशा होंडी, अनन्या रामकृष्ण, प्रिषा पटेल, युवराज मोहनगेकर, नील मोहिते, ध्रुवरे•ाr मुल्लूर यांची नोव्हेंबर महिन्यात दिल्ली येथील तालकटोरा जलतरण तलावात होणाऱ्या राष्ट्रीय जलतरण स्पर्धेसाठी अभिनंदनिय निवड झाली आहे.
जलतरणपटूंची कामगिरी पुढीलप्रमाणे
17 वर्षाखालील मुले विभाग – स्वरूप धनुचेने (सेंट पॉल) 100 मी. बटरफ्लॉयमध्ये सुवर्ण, 50 व 200 मी. बटरफ्लॉयमध्ये रौप्य, 4×100 मी. फ्रीस्टाईल रिले व मिडले रिलेत कांस्य, वेदांत पाटीलने (केएलएस) 100 मी. ब्रेस्टस्ट्रोकमध्ये रौप्य, 50 मी. ब्रेस्टस्ट्रोक व 4×100 मी. फ्रीस्टाईल रिले व मिडले रिलेत कांस्य, तनुज सिंगने (सेंट मेरी) 200 मी. ब्रेस्टस्ट्रोक रौप्य, 200 मी. आय. एम. व 4×100 मी. फ्रीस्टाईल रिले व मिडले रिलेत कांस्य, धवल हनमन्नावरने (हेरवाडकर) 800 मी. फ्रीस्टाईल 100 व 200 मी. बॅकस्ट्रोक 4×100 मी. फ्रीस्टाईल रिलेत कांस्य, ध्रुवरे•ाr मुल्लूरने (सेंट झेवियर) 1 मी. स्प्रिंगबोर्ड डायव्हिंगमध्ये सुवर्णपदक पटकाविले.
17 वर्षाखालील मुली – वेदा खानोलकरने (जी. जी. चिटणीस) 50, 100 मी. बटरफ्लॉयमध्ये सुवर्ण, 200 मी. आयएम सुवर्ण, 4×100 मी. फ्रीस्टाईल व मिडले रिलेत कांस्य, प्रणाली जाधवने (सेंट जोसेफ) 50, 100 मी. फ्रीस्टाईल, 50 मी. बटरफ्लॉय रौप्य, 4×100 मी. फ्रीस्टाईल रिले व मिडले रिलेत कांस्य, किमया गायकवाडने (डीपी) 200 मी. बटरफ्लायमध्ये कांस्य, निधी मुचंडीने (सेंट मेरी) 4×100 मी. फ्रीस्टाईल रिलेत कांस्यपदक पटकाविले.
14 वर्षाखालील प्राथमिक मुले गटात – अनिश काकतकरने (सेंट झेवियर्स) 50 मी. बॅकस्ट्रोक, 4×100 मी. फ्रीस्टाईल रिले कांस्य, 4×100 मी. मिडले रिलेत रौप्य, श्लोक जाधवने (सेंट पॉल) 4×100 मी. फ्रीस्टाईल रिले कांस्य, युवराज मोहनगेकरने (सेंट झेवियर्स) 1 व 3 मी. स्प्रिंगबोर्ड डायव्हिंग सुवर्ण, नील मोहितेने (सेंट पॉल) 1 व 3 मी. स्प्रिंगबोर्ड डायव्हिंगमध्ये रौप्यपदक मिळविले.
14 वर्षाखालील मुलींच्या गटात – दिशा होंडीने (भंडारी) 50 मी. फ्रीस्टाईल सुवर्ण, 100 मी. फ्रीस्टाईल, 4×100 मी. फ्रीस्टाईल रिले व मिडले रिलेत रौप्य, 50 मी. बॅकस्ट्रोक कांस्य, अनन्या रामकृष्णने (डीपी) 100 मी. बॅकस्ट्रोक रौप्य, 4×100 मी. फ्रीस्टाईल रिलेत रौप्य, प्रिशा पटेलने (डीपी) 50 मी. ब्रेस्टस्ट्रोक रौप्य, 50 मी. फ्रीस्टाईलमध्ये कांस्य, स्वरा मुतकेकरने (डीपी) 100 मी. बटरफ्लायमध्ये कांस्यपदक पटकाविले. सर्व जलतरणपटू आबा व हिंद क्लबमध्ये सराव करीत असून त्यांना एनआयएस जलतरण प्रशिक्षक विश्वास पवार, अमित जाधव, शिवराज मोहिते, संदीप मोहिते, सतीश धनुचे, रणजीत पाटील यांचे मार्गदर्शन तर आबा क्लबचे चेअरमन अॅड. मोहन सप्रे, अध्यक्ष शितल हुलबत्ते, हिंद क्लबचे अध्यक्ष अरविंद संगोळी यांचे प्रोत्साहन लाभत आहे
