राष्ट्रीय डायव्हिंग स्पर्धेत आबा क्लबचे यश

बेळगाव : कर्नाटक राज्य जलतरण संघटना व क्रीडाभारती यांच्या संयुक्त विद्यमाने आबा स्पोर्ट्स क्लब आयोजित निमंत्रितांच्या आंतरराज्य डायव्हिंग स्पर्धेत बेळगावच्या आबा स्पोर्ट्स क्लबच्या खेळाडूंनी 4 सुवर्ण, 3 रौप्य व 1 कांस्यपदकासह तीन वैयक्तिक विजेतेपद पटकावित घवघवीत यश संपादन केले आहे. सदर स्पर्धेत ऋतुजा पवार हिने महिलांच्या खुल्या गटात 1 मी. स्प्रिंगबोर्डमध्ये सुवर्णपदक, पुरुष खुल्या गटात भरत पाटीलने 1 मी. डायव्हिंगमध्ये रौप्यपदक, 3 मी. डायव्हिंगमध्ये कांस्यपदक मिळविले. 19 वर्षाखालील मुलांच्या गटात मयुरेश जाधवने 1 व 3 मी. डायव्हिंगमध्ये 2 सुवर्णपदके तर मुलांच्या 17 वर्षाखालील गटात अर्णव कुलकर्णीने 1 मी. व 3 मी. डायव्हिंगमध्ये 2 रौप्यपदके पटकाविली. 12 वर्षाखालील मुलींच्या गटात तन्वी कारेकरने 1 मी. डायव्हिंगमध्ये 1 सुवर्णपदक पटकाविले. वरील सर्व जलतरणपटूंना एनआयएस जलतरण प्रशिक्षक विश्वास पवार, शिवराज मोहिते यांचे बहुमूल्य मार्गदर्शन लाभत आहे. तर क्लबचे चेअरमन अॅड. मोहन सप्रे, अध्यक्ष शितल हुनबत्ते व मुकुंद किल्लेकर यांचे प्रोत्साहन लाभत आहे.