आरती चिटणीस एमडी प्रवेश परीक्षेत देशात पाचवी

सावंतवाडी : प्रतिनिधी
सावंतवाडी येथील भाईसाहेब सावंत आयुर्वेद महाविद्यालयाची विद्यार्थीनी आरती मंगेश चिटणीस हिने अखिल भारतीय आयुष स्नातकोत्तर प्रवेश परीक्षेत (एमडी) देशात पाचवा क्रमांक पटकाविला. तिला ४८० पैकी ३६५ गुण (९९.९७ पर्सेन्टाइल) मिळाले. तिने आयुर्वेद पदवी परीक्षेतही प्रथम क्रमांक मिळविला होता. तिच्या या यशाबद्दल संस्थेतर्फे तिचे अभिनंदन करण्यात आले. आरती ही जीवन प्राधिकरणाचे अधिकारी मंगेश चिटणीस यांची कन्या तर सावंतवाडी एज्युकेशन सोसायटीचे सहसचिव गौरांग चिटणीस यांची बहीण होय.