Gujrat Election : गुजरात विधानसभा निवडणुकीचा धुरळा शिगेला पोहोचला आहे. भाजप, (BJP) कॉंगेस (Congress) आणि त्यातच आता आम आदमी पक्षाच्या ( AAP ) आगमनामुळे ही लढत रंगतदार बनली आहे. ‘आप’च्या विजयाबद्दल आत्मविश्वास व्यक्त करताना पक्षाचे राष्ट्रीय अध्यक्ष आणि दिल्लीचे मुख्यमंत्री अरविंद केजरीवाल ( Arvind Kejriwal ) यांनी जुनी पेन्शन योजना ३१ जानेवारीपर्यंत लागू करण्याचे आश्वासन दिले आहे. ते सुरत येथे पत्रकार परिषदेत बोलत होते.
आपल्या मतदारांना आकर्षित करताना ते म्हणाले, “आम आदमी पक्ष गुजरातमध्ये पुढील सरकार स्थापन करेल.” सरकार स्थापनेनंतर पुढील वर्षी २०२३ च्या जानेवारी अखेरीस जुनी पेन्शन योजना लागू करणार असल्याचे केजरीवाल यांनी सांगितले. गुजरात राज्यातील विधानसभा निवडणुकीच्या तोंडावर त्यांनी विविध योजनांची माहिती देत माध्यमांशी संवाद साधला.
