राज्यात आज एकनाथ शिंदे व भाजप युतीचं सरकार प्रस्थापित झालं. आज एकनाथ शिंदे यांच्या गटात सेनेचे आमदार संतोष बांगर एका रात्रीत सामील झाले. विधानभवनात शिंदे गटाचे आमदार विजयाची खून दाखवतचं दाखल झाले. विधानभवनातील टीका-टिप्पणीचे अनेक व्हिडिओ आज व्हायरलं झाले. याचबरोबर आणखी एक व्हिडिओ व्हायरल झाला आहे. ज्याची चर्चा सध्या जोरात सुरु आहे. तो व्हिडिओ म्हणजे विधानभवनाच्या आवारात बंडखोर आमदार प्रकाश सुर्वे व शिवसेनेचे नेते आदित्य ठाकरे हे समोरासमोर आले. ज्यात आदित्य ठाकरे यांनी प्रकाश सुर्वे यांच्याशी साधलेला संवाद आहे. नेमके काय म्हणाले ठाकरे जाणून घेऊया.
काय म्हणाले आदित्य ठाकरे
आदित्य ठाकरे समोर दिसताच प्रकाश सुर्वे यांनी स्मित करत हस्तांदोलन केलं. त्यानंतर आदित्य हे सुर्वे यांना म्हणाले, एवढे जवळचे असूनही का असा निर्णय बदललात? त्या दिवशी जेवण तयार ठेवलं होतं तुम्ही. मी येणार होतो. माझं तुमच्यावर खरोखर प्रेम आहे हे तुम्हालाही माहीत आहे. मला स्वत:ला दु:ख झालंय. ठीक आहे. बघा आता विचार करा.
