महाराष्ट्राच्या राजकारणात आता अभिनेत्यांनी उडी घेतली आहे. होम मिनिस्टर फेम आदेश बांदेकर आणि अभिनेते शरद पोक्षे यांचा नवा वाद समोर आला आहे. ‘दुसर वादळ’ हे पोक्षेंचं पुस्तक प्रकाशित झालं आहे. याच्या प्रकाशनासाठी पोक्षे यांनी फेसबुकवर पोस्ट शेअर केल्या आहेत. या पोस्टमध्ये “कॅन्सरच्या काळात माझ्या पाठीशी खंबीरपणे उभे राहिले एकनाथ शिंदे साहेब अशी पोस्ट पोक्षे यांनी शेअर केली आहे. यात त्यांनी फोटोही शेअर केला आहे. यावर आदेश बांदेकर यांनी शरद पोंक्षेंचा एक जुना व्हिडीओ शेअर करत त्यांना सवाल केला होता. आता यावर शरद पोंक्षेंनी ”शरद पोंक्षे कधीही काहीही विसरत नाही”, असे कॅप्शन देत त्यांनी सडेतोड उत्तर दिले आहे. तसेच बांदेकरांचा काहीतरी गैरसमज झाल्य़ाचे त्यांनी सांगितले आहे.
शरद पोंक्षे यांनी त्यांच्य़ा पुस्तकातील पान शेअर केले आहे. ज्यामध्ये त्य़ांनी त्यांच्या कर्करोगाविषयी सांगितले आहे. आदेश बांदेकर त्यांच्यासाठी कसे धावून आले हे त्यांनी सांगितलं आहे. तसंच कर्करोगात ज्यांनी ज्यांनी मदत केली त्यांचे आभार मी मानले आहेत अशी भावनाही त्यांनी व्यक्त केली आहे. आदेश बांदेकर यांची स्तूती करताना शरद म्हणाले, ”असा हा आदेश, सहृदयी माणूस!” ही पोस्ट शेअर करत ”शरद पोंक्षे कधीही काहीही विसरत नाही”, असे कॅप्शन त्यांनी दिले आहे.
हेही वाचा- बंडखोर आमदारांच्या स्वागतासाठी भाजपाची तयारी? कार्यकर्त्यांना निर्देश
काय म्हणाले होते आदेश बांदेकर?
आदेश बांदेकर यांनी त्यांच्या इन्स्टाग्राम अकाऊंटवरून शरद पोंझेंनी दिलेल्या मुलाखतीचा व्हिडीओ शेअर केला आहे. शरद पोंक्षेंनी २०१९ साली लोकसत्ता डॉट कॉमला दिलेल्या मुलाखतीत त्यांच्या कर्करोगाच्या लढ्याविषयी सांगितले होते. या व्हिडीओ शरद पोंक्षें म्हणाले, ”सगळ्यात पहिले धावून आला तो आदेश बांदेकर. आदेश म्हणाला कसली काळजी करू नकोस, मी आदेशला फोन केला आणि सांगितले की अशी-अशी शक्यता आहे असे ते सांगत आहेत. तर काय करू मला आता कळत नाही आहे. आदेश बांदेकर म्हणाले, काळजी करू नकोस, मी उद्याच्या उद्या तुला नांदेकडे पाठवतो. हिंदू कॉलनीतील नांदे हे खूप मोठे डॉक्टर आहेत. त्यांच्याकडे पाठवले आणि मग ती सगळी प्रोसेस सुरु झाली. तर अशा प्रकारे पहिला आदेश उभा राहिला. आदेशमुळे उद्धव ठाकरेंना कळलं. त्यानंतर उद्धव ठाकरेंचा फोन आला. ते म्हणाले, शरद कसली काळजी करू नकोस शिवसेना आणि मी तुझ्या पाठीशी उभे आहोत. पैशापासून कसली काळजी करायची नाही.” हा व्हिडीओ शेअर करत ”हा शरद पोंक्षे तूच ना ?” असा सवाल आदेश बांदेकर यांनी केला आहे.
