आबा क्लब-क्रीडा भारतीतर्फे जलतरण स्पर्धांचे आयोजन

बेळगाव : गोवावेस महानगरपालिकेच्या जलतरण तलावाच्या सुवर्ण महोत्सवनिमित्त पन्नास वर्षे पूर्ण होत आहेत. आबा व हिंद स्पोर्ट्स क्लबतर्फे दुसऱ्या पीव्हीआर आंतरराज्य जलतरण स्पर्धांचे आयोजन शनिवार दि 1 फेब्रुवारी रोजी केले आहे. सदर स्पर्धेत गोवा, महाराष्ट्र व कर्नाटक या राज्यातून एकंदरीत 300 ते 400 उत्कृष्ट जलतरणपटू भाग घेणार असून या ऐतिहासिक स्पर्धा मोठ्या चुरशीच्या होणार आहेत. या निमित्ताने संपूर्ण जलतरण तलाव परिसरामध्ये रंगरंगोटी करून तलाव स्पर्धेसाठी सुसज्ज केला आहे.   स्पर्धा शनिवार दि. 1 व रविवार दि. 2 फेब्रुवारी रोजी घेण्यात येणार असून स्पर्धेचे उद्घाटन मान्यवरांच्या हस्ते सकाळी 10 वाजता होणार आहे. स्पर्धेची सुऊवात शनिवारी सकाळी साडेआठ वाजता होणार असून जलतरण तलाव सकाळी सात ते आठ पर्यंत स्पर्धकांना सरावासाठी उपलब्ध होणार आहे. सर्व स्पर्धकांनी वेळेवर हजर राहावे व विशेष माहितीसाठी जलतरण तलाव ऑफिसमध्ये संपर्क साधावा, असे आयोजक विश्वास पवार यांनी कळविले आहे.