खानापूर : थांबलेल्या ट्रकला मागून धडक दिल्याने एक जण जागीच ठार झाल्याची घटना शुक्रवारी रात्री 10.30 सुमारास देसूर येथील अल्मा कंपनीसमोर घडली. पंकज नारायण जांबोटकर (वय 23, रा. शिवोली) असे मृताचे नाव आहे. अपघाताची नोंद वडगाव पोलीस स्थानकात झाली आहे. शिवोली येथील पंकज जांबोटकर हा नावगे क्रॉस येथील एका खासगी कंपनीत कामाला जात होता. रोज आपली दुचाकी घेऊन कामाला जात होता. रोजच्या प्रमाणे तो सायंकाळी काम आटोपून आपल्या घरी निघाला होता. रात्री पाऊस जोरदार असल्याने थोडावेळ थांबला होता. पाऊस कमी झाल्यानंतर खानापूरकडे येण्यासाठी निघाला असता अल्माजवळ महामार्गावर निलगिरी वाहतूक करणारा ट्रक क्र. के एल 29 8648 हा ट्रक थांबला होता. पंकज हा दुचाकी केए 22 एच झिरो 651 वरून खानापूरकडे येताना मोटारसायकलची ट्रकला धडक बसली. यात त्याच्या डोक्याला गंभीर दुखापत झाल्याने तो जागीच ठार झाला. वडगाव पोलीस स्थानकाच्या पोलिसांनी घटनास्थळी धाव घेऊन घटनेचा पंचनामा करून मृतदेह उत्तरीय तपासणीसाठी सिव्हिल हॉस्पिटलला हलविला आहे. पंकज जांबोटकर शिवोली येथील नारायण जांबोटकर यांचा एकुलता एक मुलगा होता.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
