बेकायदा दारूविक्री करणाऱ्या तरुणाला अटक

बेळगाव : मारुती व्हॅनमधून बेकायदा दारू वाहतूक करणाऱ्या एका तरुणाला अबकारी अधिकाऱ्यांनी अटक केली आहे. चिकोडी तालुक्यातील नागराळजवळ ही कारवाई करण्यात आली आहे. मारुती व्हॅनमधून बेकायदा दारू वाहतूक व विक्री सुरू असल्याची माहिती मिळताच बुधवारी सकाळी व्हॅन ताब्यात घेऊन तपासणी केली असून 21.66 लिटर दारूसाठा आढळून आला. गजानन बाबू माने या तरुणाला अटक करण्यात आली असून अधिकाऱ्यांनी दारूसाठा व मारुती व्हॅन जप्त केली आहे.