बेळगाव : टेरेसवर गांजा पिकविणाऱ्या एका तरुणाला शहापूर पोलिसांनी सोमवारी अटक केली आहे. त्याच्याजवळून 23 गांजाची रोपटी जप्त करण्यात आली आहेत. वडगाव येथे ही कारवाई करण्यात आली. रोहन महादेव पाटील (वय 23) रा. रामदेव गल्ली-सोनार गल्ली बोळ, वडगाव असे त्या तरुणाचे नाव आहे. शहापूरचे पोलीस निरीक्षक एस. एस. सिमानी, नागराज ओसप्पगोळ, सुरेश कांबळे, एच. वाय. विभुती, ए. पी. खोत, महेश वडेयर, अमरनाथ दंडीन, ममता बी. जे. आदींनी ही कारवाई केली आहे. सोनार गल्ली बोळ येथील एका घरात भाडोत्री राहणाऱ्या रोहनने टेरेसवर गांजा पिकविल्याची माहिती मिळताच पोलिसांनी अचानक छापा टाकून टेरेसवर तपासणी केली असता 23 रोपटी आढळून आली. त्यांचे वजन 1 किलो 700 ग्रॅम इतके होते. त्याची किंमत 45 हजार 600 रुपये इतकी होते. पोलिसांनी या तरुणाजवळून सुमारे 3 हजार रुपये किमतीचा 60 ग्रॅम गांजाही जप्त केला आहे. त्याच्यावर अमलीपदार्थ प्रतिबंधक कायद्यांतर्गत एफआयआर दाखल करण्यात आला आहे. शहापूर पोलीस पुढील तपास करीत आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
