मयत तरुण सांगली जिल्ह्यातील इंग्रुळ गावचा
सरवडे प्रतिनिधी
राधानगरी तालुक्यातील कपिलेश्वर- मांगोली रोडवर ओढ्याजवळ असणाऱ्या जांभळाच्या झाडावरून पडून सुरज भाऊसो पाटील (वय ३०) याचा जागीच मृत्यू झाला. मयत तरुण सांगली जिल्ह्यातील बत्तीसशिराळा तालुक्यातील इंग्रुळ गावचा आहे.
सुरज हा ओमनी गाडीतून प्रवाशी घेऊन मांगोली गावी आला होता. प्रवाशांना सोडून परत जाताना रस्त्याकडेला असलेल्या जांभळाच्या झाडावरील जांभळे पाहून थांबला. जांभळे तोडण्यासाठी झाडावर चढला असताना तो खाली पडला. त्यामध्ये त्याचा मृत्यू झाला.जांभळाचा मोह त्यांच्या जीवावर बेतला.
घटनेची माहिती मिळताच पोलीस निरीक्षक स्वाती गायकवाड, कृष्णात यादव,प्रवीण गुरव,पोलीस पाटील वसुधा पाटील,मानसिंग काटकर यांनी घटनास्थळी येऊन पंचनामा केला. मृतदेह उत्तरीय तपासणीसाठी सोळांकुर ग्रामीण रुग्णालयात पाठवण्यात आला.पुढील तपास राधानगरी पोलीस करत आहेत.
