मडगावातील विकासकामांबाबत श्वेतपत्रिका काढावी : शॅडो कौन्सिल

मडगाव : गोवा विधानसभेचे पावसाळी अधिवेशन जुलैमध्ये नियोजित असल्याने, मडगावच्या शॅडो कौन्सिलने मडगावचे आमदार दिगंबर कामत यांना त्यांच्या मतदारसंघात केलेल्या विकासकामांबाबत सरकारकडून श्वेतपत्रिका काढण्याची मागणी केली. साबांखा, जलस्रोत खाते, पाणी पुरवठा, मलनिस्सारण विभाग इत्यादी विविध सरकारी यंत्रणेद्वारे अनेक विकास कामे हाती घेतली जातात, याकडे सावियो कुतिन्हो लक्ष वेधले. या सर्व एजन्सीद्वारे शेकडो कोटी ऊपयांची कामे केली जातात, ज्यासाठी सार्वजनिक तिजोरीतून कंत्राटदारांना मोठ्या प्रमाणात बिले फेडली जातात, तथापि कोणतेही महत्त्वपूर्ण बदल या मतदारसंघात क्वचितच दिसून येतात’ कार्यान्वित केलेली कामे निकृष्ट आहेत हे सिद्ध करण्यासाठी भरपूर पुरावे आहेत, असा दावा कुतिन्हो यांनी केला. जलस्रोत विभागाकडून ईएसआय हॉस्पिटलच्या मागे नाल्याचे बांधकाम हे त्याचे ज्वलंत उदाहरण आहे.  येथे सध्या अस्तित्वात असलेल्या नाल्यातील हायड्रॉलिक सुधारणेचा प्रस्ताव मडगावच्या आमदाराने मांडला होता, असे त्यानी नमूद केले. विद्यमान बॉक्स कल्व्हर्टची पुनर्बांधणी करणे आवश्यक होते या पुनर्बांधणीसाठी 5 ते 6 लाख खर्च आला असता. आश्चर्याची गोष्ट म्हणज जलस्रोत खात्याने बॉक्स पुलाच्या पुनर्बांधणीऐवजी 81 लाखांच्या अंदाजे खर्चासह समांतर नाला बांधण्याचा निर्णय घेतला जो सार्वजनिक निधीचा अपव्यय आहे, असा आरोप कुतिन्हो यांनी केला आहे.