अक्कलकोट प्रतिनिधी
अक्कलकोट तालुक्यातील वागदरी जवळील चौदामैल शिवारात चारचाकीच्या धडकेने एका इसमाचा जागीच मृत्यू झाला. ही घटना दि १५ रोजी दुपारी घडली. सुभाष तात्याराव बबले (वय ५०) रा. किणी ता. अक्कलकोट असे मयत व्यक्तीचे नाव आहे.
याबाबत पोलीस सूत्रांकडून मिळालेली माहिती अशी की, दि १५ रोजी मयत सुभाष तात्याराव बबले आपल्या गावातील चौघासोबत किणीहुन भुरीकवठे येथे ग्रामपंचायतीचे अंतर्गत गटार बांधकामाचे काम करण्यासाठी गेले होते. काम आटपून गावाकडे येत असताना वागदरी शिवारातील चौदा मैल जवळ आले असता समोरून पार्वती एचपी गॅस एजन्सीचे वाहनाने ( क्र एम एच १३ ए एन ४७२१ ) दुचाकीस जोरात धडक दिली. त्यामुळे मयत सुभाष तात्याराव बबले वय ५० व त्यांच्या सोबत पाठीमागे बसलेले लक्ष्मण ढबू जाधव वय ६० हे जखमी झाले. मयत सुभाष यांच्या डोक्याला आणि हातापायाला गंभीर दुखापत झाली होती.
