काणकोण : काणकोण तालुक्यात परत एकदा पाऊस सक्रिय झाला असून 14 रोजी या तालुक्यात 89.2 मिलीमीटर इतक्या पावसाची नोंद झालेली आहे. आतापर्यंत या तालुक्यात एकूण 66 इंच इतक्या पावसाची नोंद झालेली आहे. मागच्या चार दिवसांत पावसाने थोडीशी उसंत घेतल्यानंतर या तालुक्यातील शेतकऱ्यांनी शेतीची कामे अर्ध्यापेक्षा अधिक उरकून घेतली आहेत. काणकोणातील बामणबुडो, कुसके धबधब्यांवर पर्यटकांनी गर्दी करायला सुरुवात केलेली असली, तरी काणकोणच्या पोलिसांनी दोन्ही धबधब्यांजवळ कडक पहारा ठेवल्यामुळे पर्यटकांवर बऱ्याच प्रमाणात निर्बंध आलेले आहेत. या तालुक्यातील अर्धफोंड आणि गालजीबाग नद्यांची पात्रे तुडुंब भरून वाहायला लागली असून संबंधित खात्याचे कर्मचारी दररोज अर्धफोंड नदीच्या पाण्याची पातळी तपासत आहेत. गालजीबाग नदीत भरतीच्या वेळी पाण्याची पातळी वाढत असल्यामुळे या नदीच्या पात्रातील पाण्याची पातळीही तपासण्यात येत असल्याचे या कर्मचाऱ्यांनी स्पष्ट केले आहे. अर्धफोंड नदीच्या पात्रातील पाण्याची पातळी आतापर्यंत 5.30 मीटर इतकी वाढली असल्याची माहिती या कर्मचाऱ्यांनी दिली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
