काणकोण : काणकोण तालुक्यात 28 जून रोजी एकाच दिवसांत 5 इंच इतक्या पावसाची नोंद झाल्यामुळे आतापर्यत या तालुक्यात 21.6 इंच इतक्या पावसाची नोंद झालेली आहे. या तालुकयातील गालजीबाग आणि तण्पा नद्या भरून वाहायला लागल्या आहेत. तर कुसके आणि बामणबुडा धबधबा फेसाळुन वाहायला लागला आहे. कुसके आणि बामणबुडा धबधब्यावर पर्यटकांनी आता गर्दी करायला सुरूवात केली आहे. शेतीच्या कामालाही बऱ्याप्रैकी सुरूवात करण्यात आली आहे. काणकोणच्या विभागिय कृषी कार्यालयाने देखील तालुकयातील शेतकऱ्यांसाठी कवाथ्याचे वितरण करण्याची तयारी ठेवली असून अन्य फळ झाडांची कलमे एला फार्म येथून आणून या तालुकयात वितीरत करण्यात येणार असल्याची माहिती काणकोणचे विभागिय कृषी अधिकाऱ्याने दिली आहे. वनखात्याने हत्तीपावल या ठिकाणी तयार केलेल्या विविध प्रकारच्या जंगली झाडांच्या रोपटयाचे वनीकरण विभागाखाली जंगलात लागवड करायला प्रारंभ केला आहे. तर वझरे या ठिकाणी तयार केलेल्या विविध प्रकारच्या रोपटयांच्या विक्रीलाही आता प्रारंभ झाला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
