नॅशनल काँग्रेस वर्कर्स कमिटीतर्फे जिल्हाधिकाऱ्यांना निवेदन

बेळगाव : भारतविरोधी घोषणा देणाऱ्यांवर कठोर कारवाई करा, अशा आशयाचे निवेदन नॅशनल काँग्रेस वर्कर्स कमिटीने जिल्हाधिकाऱ्यांना दिले आहे. या निवेदनात त्यांनी म्हटले आहे की, बेळगाव हे अत्यंत शांतताप्रिय शहर आहे. मात्र, या शहरात भारतविरोधी घोषणा दिल्या गेल्याने जनतेच्या भावनांना धक्का बसला आहे. प्रत्येक भारतीयाला त्याचे अधिकार आणि कर्तव्ये याची जाणीव असणे आवश्यक आहे. त्यामुळे अशा देशविरोधी घोषणा देणाऱ्यांवर कारवाई करावी, अशी मागणी राज्याचे अध्यक्ष संजय गोटाडगी व उपाध्यक्ष हेमंत लेंगडे यांनी केली आहे.