कारवार – दुचाकी वाहनावरून पिता आणि मुलगी प्रवास करत असताना सिबर्ड बसने धडक दिल्याने लहान मुलगी जागीच ठार झाल्याची घटना कारवार शहराच्या बिणगा राष्ट्रीय महामार्ग ६६ वर घडली . बेंगळूरहुन कारवारला येणाऱ्या सिबर्ड बसने ही धडक दिली आहे. लविता जार्ज फर्नांडिस (वय १३) अशी मृतांची ओळख पटली आहे. घटनेत पिता जार्ज फर्नांडिस देखील जखमी झाले आहेत. कारवारच्या क्रीम्स इस्पितळात त्यांच्यावर उपचार सुरु आहे . कारवार वाहतूक पोलीस स्थानकात या प्रकरणाची नोंद झाली असून बस चालकाला ताब्यात घेण्यात आले आहे .
