म्हापसा : कोलवाळ येथील मध्यवर्ती कारागृहात एका कैद्याने दुसऱ्या कैद्यावर हल्ला केल्याची घटना घडली आहे. घटनेनंतर जखमी झालेल्या कैद्याला कारागृहातून म्हापसा जिल्हा इस्पितळात उपचारार्थ दाखल करण्यात आले. नंतर डॉक्टरांनी त्याला उपचार करून त्याला पुन्हा कारागृहात पाठवले आहे. मिळालेल्या माहितीनुसार हल्ल्यात जखमी झालेल्या अंडर ट्रायल कैद्याचे नाव अझीझ अस्लम आसिफ (कर्नाटक) असे आहे. ही घटना सोमवारी रात्री घडली आहे. अझीझ झोपेत असताना त्याच्यावर पेनच्या सहाय्याने हल्ला करण्यात आला. यात त्याच्या डोळ्याला व हाताला जखम झाली आहे. अद्याप जखमी अझीझने हल्लेखोर कैद्याचे नाव उघड केलेले नाही. कारागृह प्रशासनाकडून या प्रकरणाची चौकशी केली जात आहे. दरम्यान, यापूर्वी कारागृहात असताना कैदी अझीझ याने 2022 मध्ये गजेंद्र सिंग या कैद्यावर ब्लेडसारख्या धारदार हत्याराने हल्ला केला होता.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
