बेळगाव : पावसाला सुरुवात झाल्याने खवय्यांना आठवण होते ती खेकड्याच्या रश्श्याची. पावसामुळे हवामानातील गारठा वाढला असल्याने खेकडे खाण्याकडे खवय्यांचे लक्ष आहे. सध्या बेळगावच्या कॅम्प परिसरात मोठ्या प्रमाणात खेकड्यांची आवक सुरू आहे. खेकडे विक्रेते दाखल झाले असले तरी त्यांचे दर मात्र सर्वसामान्यांच्या आवाक्याबाहेर आहेत. पावसाळ्याच्या दिवसात बेळगावमध्ये खेकड्यांचा बाजार भरतो. कॅम्प येथील फिशमार्केट कॉर्नर येथे हा खेकड्यांचा बाजार भरत असतो. यावर्षी बेळगाव परिसरात म्हणावा तसा पाऊस झाला नसला तरी महाराष्ट्रात होत असलेल्या पावसामुळे हिडकल जलाशयाच्या पाणीसाठ्यात वाढ होत आहे. त्यामुळे धरणक्षेत्र परिसरात राहणारे रहिवासी खेकडे पकडून विक्रीसाठी बेळगावमध्ये आणत आहेत. मागील आठ दिवसांपासून फिश मार्केट परिसरात खेकड्यांची विक्री सुरू झाली आहे. आकारानुसार खेकड्यांचे दर ठरविले जात आहेत. मोठे खेकडे शंभर रुपयांना जोडी तर लहान खेकडे शंभर रुपयांना चार या भावाने विक्री केले जात आहेत. हे दर दरवर्षीपेक्षा अधिक असले तरी पावसाचे प्रमाण वाढल्यास दर कमी होण्याची शक्यता आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
