तीर्थकुंडये येथे शुक्रवारी भव्य कुस्ती मैदान

बेळगाव : तीर्थकुंडये येथे रामलिंगेश्वर देवस्थान कमिटी, तीर्थकुंडये व कुस्तीगीर संघटना यांच्या संयुक्त विद्यमाने महाशिवरात्रीनिमित्त निकाली जंगी कुस्त्यांचे मैदान शुक्रवार दि. 28 रोजी आयोजित केले आहे. या मैदानात प्रमुख कुस्ती हरियाणाचा संजयकुमार वि डबल कर्नाटक केसरी कार्तिक काटे यांच्यात होणार आहे. दुसऱ्या क्रमांकाची कुस्ती कर्नाटक केसरी शिवय्या पुजारी वि ओम प्रकाश भातमारे-कोल्हापूर, तिसऱ्या क्रमांकाची कुस्ती जयदीप कुमार-हरियाणा वि. कर्नाटक केसरी नागराज बशीडोणी, चौथ्या क्रमांकाची कुस्ती पार्थ पाटील-कंग्राळी वि. संजय चौगुले-पुणे, पाचव्या क्रमांकाची कुस्ती महेश बिर्जे-तीर्थकुंडये वि. अजिंक्य चव्हाण-कोल्हापूर, सहाव्या क्रमांकाशी कुस्ती प्रथमेश कंग्राळी वि. यल्लारलिंग -भांदुर गल्ली, सातव्या क्रमांकाची कुस्ती पंकज चापगाव वि ओमकार मगदूम यांच्यात, आठव्या क्रमांकाची कुस्ती पृथ्वीराज पाटील-कंग्राळी खुर्द वि. हणमंत गंदीगवाड यांच्यात, नवव्या क्रमांकाची कुस्ती सुनील मेत्री-अथणी वि. विनायक येळ्ळूर, दहाव्या क्रमांकाची कुस्ती प्रवीण निलजी वि. सुमित-कडोली यांच्यात होणार आहे. या शिवाय 50 हून अधिक कुस्त्यांचे आयोजन करण्यात आले आहे. आकर्षण कुस्ती म्हणून मंथन-सांबरा वि. विरेश मुधोळ यांच्यात होणार आहे.