श्रीकृष्णाच्या नूतन मुर्तीच्या मिरवणुकीचे कुंडई येथे भव्य स्वागत

पणजी :: वाडीवाडा, कुंडई येथील नुतन श्रीकृष्ण देवालयातल्या श्रींच्या मुर्ती प्रतिष्ठापना सोहळ्यानिमित्त श्री सातेरी महालसा मंदिर म्हार्दोळ येथून निघालेल्या श्रीकृष्णाच्या नूतन मुर्तीच्या मिरवणुकीचे मानसवाडा कुंडई येथे भव्य स्वागत करण्यात आले. वाडीवाडा, कुंडई येथील नाक्यावर सुवासिनी व  विवाहित भगिनींकडून श्रींच्या मूर्तीची पंचारती ओवाळणी करण्यात आली. श्रींच्या मिरवणूकीत सामील होऊन, श्रींच्या आगमना समयी सुवासिनींनी मूर्तीची पंचारती ओवाळून मोठ्या भक्तिभावात मिरवणुकीचे स्वागत केले. तदनंतर श्री राम पुऊष मंदिरात श्रींचे आगमन झाले. आज गुऊवारी सकाळी 8 वाजल्यापासून श्रीकृष्णाच्या नूतन मुर्तीवर धार्मिक विधी होतील. स्थानिक सुवासिनी व विवाहित भगिनींकडून दुग्धाभिषेक तसेच कुंकूमार्चनाचा कार्यक्रम होईल. 10 मार्च रोजी वेद मंत्रांच्या घोषात चैतन्य आश्रम, बोरी गोवा प. पू. श्री  राधेयस्वामी यांच्या करकमलाद्वारे श्रीकृष्णाच्या  नूतन मुर्तीची प्रतिष्ठापना होईल. तत्पूर्वी कलशारोहण, दीपस्तंभ उद्यापन, तुळशी वृंदावन उद्यापन, यज्ञहवन, सत्यनारायण महापूजा, वटवृक्षाभोवतीच्या पेडाची पुजा, असे सर्व धार्मिक कार्यक्रम होतील. त्यानंतर महाप्रसाद असेल. तसेच संध्याकाळी गौरव सोहळा व सांस्कृतिक कार्यक्रम सादर केले जाणार आहेत. 8 ते 10 मार्च 2023 असे तीन दिवस विविध धार्मिक विधींसह श्रींचा मुर्ती प्रतिष्ठापना सोहळा मोठ्या उत्साहात साजरा करण्यात येणार आहे. या धार्मिक सोहळ्यास व कार्यक्रमासाठी सर्व भाविकांनी उपस्थित राहावे, असे आवाहन श्रीकृष्ण देवस्थान, वाडीवाडा, कुंडई यांच्यातर्फे करण्यात आले आहे.