अनगोळ येथे पाषाणाची भव्य मिरवणूक

बेळगाव ; अनगोळची ग्रामदेवता श्री महालक्ष्मी नूतन मंदिराची उभारणी करण्यात येणार आहे. यासाठी ग्रामस्थांनी निश्चय केला असून पायाभरणीही झाली आहे. सदर मंदिर हे पाषाण दगडातून बांधले जाणार आहे. त्यासाठी सोमवारी कारकळ या भागातून पाषाण दगड अनगोळमध्ये दाखल करण्यात आला आहे. त्याची भव्य मिरवणूक गावातून काढण्यात आली. अनगोळ नाका येथे पाषाण दगड आणलेल्या वाहनाची पूजा-अर्चा मान्यवरांच्या हस्ते करण्यात आली. त्यानंतर पारंपरिक वाद्ये, धनगरी ढोल पथक, भजनी मंडळ यांच्या गजरात मिरवणूक काढण्यात आली. या मिरवणुकीत सजविलेल्या बैलजोड्याही सहभागी झाल्या होत्या. याचबरोबर गावातील सुवासिनींनी डोकीवर कलश घेऊन आपला सहभाग दर्शविला. अनगोळ नाका येथून ही मिरवणूक सुरू होऊन अनगोळ मुख्य रोड, धर्मवीर संभाजी चौक, वाडा कंपाऊंड, रघुनाथ पेठ, जय महाराष्ट्र चौकपासून नियोजित लक्ष्मी मंदिर, गांधी स्मारक येथे समारंभपूर्वक नेण्यात आली. या मिरवणुकीचे नियोजन अनगोळ ग्रामस्थ, मंदिर जीर्णोद्धार कमिटीने केले होते. या मिरवणुकीमध्ये प्रमोद पाटील, जितेंद्र गुंडप्पण्णावर, राजू भेंडीगेरी, अशोक भेंडीगेरी, प्रवीण खर्डे, राहुल बांडगी, सुभाष पाटील, रवी पाटील, राजू बु•ण्णवर यांच्यासह अनगोळ ग्रामस्थ, युवकांनी मोठा सहभाग दर्शविला.