वृत्तसंस्था/ अबुधाबी
आशिया चषकात आज मंगळवारी होणाऱ्या अफगाणिस्तानविऊद्धच्या गट ‘ब’च्या सामन्यात बांगलादेशला फिरकी गोलंदाजांचे आव्हान पेलावे लागेल. लिटन दासच्या नेतृत्वाखालील संघाने हाँगकाँगवर दणदणीत विजय मिळवून आपल्या मोहिमेची सुऊवात चमकदार पद्धतीने केली. परंतु श्रीलंकेविऊद्धच्या मोठ्या पराभवाने त्यांचा वेग मंदावला, ज्यामुळे ते गुणतालिकेत तिस्रया स्थानावर पोहोचले आहेत.
नेट रन रेटमध्ये अफगाणिस्तान (4.700) आरामात पुढे आहे आणि गट ‘ब’मध्ये श्रीलंका (2.595) दुसऱ्या स्थानावर आहे, त्यामुळे स्पर्धेत टिकून राहण्यासाठी बांगलादेशला (उणे 0.650) त्यांचा शेवटचा सामना जिंकावा लागेल. तथापि, त्यांची फलंदाजी ही एक मोठी चिंता आहे. श्रीलंकेविऊद्ध वरच्या फळीतील फलंदाज जबरदस्त अपयशी ठरले. त्यानंतर जाकेर अली आणि शमीम हुसेन यांनी सहाव्या यष्टीसाठी नाबाद 86 धावांची भागीदारी करून डाव सावरला.
पुन्हा एकदा, कर्णधार लिटन दासवर लक्ष केंद्रित असेल, ज्याने हाँगकाँगविऊद्ध अर्धशतक झळकावले आणि तो वरच्या स्थानावर धावा काढेल, अशी संघाला अपेक्षा असेल. आता त्यांची वाट पाहत आहे अफगाणिस्तानचा कर्णधार रशिद खान, अनुभवी मोहम्मद नबी, डावखुरा गोलंदाज नूर अहमद आणि उदयोन्मुख ए. एम. गझनफर यांचा समावेश असलेला शक्तिशाली फिरकी मारा. दुसरीकडे, अफगाणिस्तानने अलीकडेच पाकिस्तानवर विजय मिळवलेला असून तिरंगी मालिकेत संयुक्त अरब अमिरातीविरुद्ध दोन विजय मिळवले. त्यामुळे त्यांचा आत्मविश्वास बळावलेला असून त्यांनी आशिया चषक मोहिमेची सुऊवातही हाँगकाँगवर 94 धावांनी मात करून केलेली आहे.
त्यांच्याकडे केवळ अष्टपैलू गोलंदाजी माराच नाही, तर त्यांच्या फलंदाजीमध्ये विध्वंसक शक्ती आणि संतुलन देखील आहे. त्यांची खोली इतकी आहे की, त्यांनी तिरंगी मालिकेच्या अंतिम फेरीपूर्वी यूएईविऊद्ध अर्धी बाजू बदलली आणि तरीही विजयी झाले.
संघ : बांगलादेश-लिटन दास (कर्णधार), तनझिद हसन, परवेझ हुसेन इमॉन, सैफ हसन, तौहीद हृदोय, जाकेर अली, शमीम हुसेन, नुऊल हसन, महेदी हसन, रिशाद हुसेन, नसुम अहमद, मुस्तफिजुर रहमान, तन्झीम हसन, तस्किन अहमद, शरीफुल इस्लाम, मोहम्मद सैफुद्दीन.
अफगाणिस्तान-रशिद खान (कर्णधार), रहमानउल्ला गुरबाज, इब्राहिम झद्रान, दरविश रसुली, सेदीकुल्लाह अटल, अजमतुल्ला ओमरझाई, करीम जनात, मोहम्मद नबी, गुलबद्दीन नायब, शराफुद्दीन अश्रफ, मोहम्मद इशाक, मुजीब उर रहमान, अल्लाह गझनफर, नूर अहमद, फरीद मलिक, नवीन-उल-हक, फझलहक फारूखी.
सामन्याची वेळ : रात्री 8 वा.
