प्रतिनिधी / बेळगाव : जिल्हाधिकारी कार्यालयासमोर पिण्याच्या पाण्याची पाईप फुटून शेकडो लिटर पाणी वाया जात आहे. हे पाणी जिल्हाधिकारी कार्यालयासमोर चव्हाट गल्ली परिसराकडे जात आहे. त्यामुळे रस्ता ओलांडताना पादचाऱ्यांना, वाहन चालकांना कसरत करावी लागत आहे. मंगळवारी दुपारपासून ही पाईप फुटली आहे. मात्र त्याची दुरुस्ती करण्याकडे पूर्ण दुर्लक्ष झाले आहे. जिल्हाधिकारी कार्यालयासमोर अशी परिस्थिती निर्माण झाली आहे. याकडे दुर्लक्ष होत असल्याने इतर ठिकाणी पाईप फुटल्यानंतर दुरुस्ती होते की नाही असा प्रश्न उपस्थित होत आहे.
