प्राथमिक फुटबॉल स्पर्धेत सेंट झेवियर्सला दुहेरी मुकुट

बेळगाव : टिळकवाडी येथे सार्वजनिक शिक्षण खात्याच्यावतीने आयोजित  जिल्हास्तरीय प्राथमिक मुला-मुलींच्या फुटबॉल स्पर्धेच्या अंतिम सामन्यातून सेंट झेवियर्स बेळगाव शहराने दुहेरी मुकुट संपादन केला. सुभाषचंद्र बोस लेले मैदानावर मुलींच्या गटातील अंतिम लढतीत सेंट झेवियर्स स्कूल बेळगाव शहराने श्री भगवान महावीर स्कूल बेळगाव ग्रामीणचा संघाचा 1-0 असा पराभव केला. विजयी संघाच्या श्रावणी सुतारने एकमेव गोल केला. मुलांच्या गटातील अंतिम लढतीत सेंट झेवियर्स स्कूलने सर्वोदय स्कूल खानापूरचा 3-0 असा  पराभव केला. विजयी संघाच्या अब्बासने 2 गोल तर एक स्वयंगोल झाला. स्पर्धेच्या बक्षीस वितरण समारंभाला प्रमुख पाहुणे म्हणून शहराच्या पीईओ जहिदा पटेल, प्लेझंट स्कूलचे यशोधर जैन, संतोष गोंधळे, बेळगांवचे ज्येष्ठ फुटबॉलपटू अल्लाबक्ष बेपारी, बापूसाहेब देसाई, जयसिंग धनाजी, संतोष दळवी, देवेंद्र कुडची, सी.आर. पाटील, चेस्टर रोझारियो, ज्युलेट फर्नांडिस, सुनील देसाई, या मान्यवरांच्या हस्ते विजेत्या व उपविजेत्या संघांना प्रमाणपत्र देऊन गौरविण्यात आले.