वास्कोत कापलेल्या वृक्षाचा खोड कोसळून कारची हानी

वास्को ; वास्को शहरातील स्वतंत्रपथ मार्गावरील कापलेल्या वृक्षाचा भाग कोसळून बॉलेरो कार चिरडण्याची घटना घडली. सुदैवाने या घटनेत कुणीही जखमी झाले नाही. रविवारी सकाळी सहाच्या सुमारास ही घटना घडली. वास्को शहरातील स्वतंत्रपथ मार्गावरील बऱ्याच वर्षांपूर्वी कापलेल्या वृक्षांचे अर्धवट अवस्थेतील मुळापासून काही उsचीपर्यंत खोड अद्याप तसेच असून ते सुकलेले आहेत. तसेच मुळात कसलाही आधार नसल्याने ते कोसळण्याच्या मार्गावर आहेत. अशाच वृक्षांपैकी एका वृक्षाचा खोड रविवारी सकाळी स्वतंत्रपथावर पार्क केलेल्या बोलेरो कारवर कोसळला. त्यामुळे कारचे बरेच नुकसान झाले. येत्या पावसात वास्को शहरात अशा प्रकारच्या आणखी घटना घडण्याची शक्यता व्यक्त करण्यात येत आहे.