धारबांदोडा : दोन दिवसांपूर्वी धारबांदोडा येथील एका फार्ममध्ये सापळ्यात अडकून बिबट्या मृत्यू होण्याची घटना ताजी असतानाच मंगळवारी पहाटे गिंडगे धारबांदोडा येथील बाळकृष्ण मराठे यांच्या गुरांच्या गोठ्यात बिबट्याने वासराचा फडशा पाडल्याची घटना उघडकीस आली आहे. यापूर्वीही याच ठिकाणी अशीच घटना घडली होती. घटनेची माहिती मिळताच कुळे क्षेत्रीय वनखात्याच्या धारबांदोडा विभागाचे वनअधिकारी गोपाळ जल्मी व वनरक्षक रामनाथ पेडणेकर यांनी घटनास्थळी येऊन पाहणी केली. त्यानंतर धारबांदोडा येथील पशुसंवर्धन खात्याचे पशुवैद्यक डॉ. केतन चौगुले यांनी मृत वासराचे निषेद्धन केले. त्यासंबंधी अहवाल उपलब्ध झालेला नाही. प्राथमिक अंदाजानुसार बिबट्याच्या हल्ल्यात या वासराचा मृत्यू झाल्याचे स्पष्ट होत आहे. स्थानिकांनी दिलेल्या माहितीनुसार या भागात एका मादी बिबट्यासह दोन बछडे फिरताना दिसले होते. सापळ्यात अडकून मृत्यू पावलेल्या मादी बिबट्याच्या बछड्याने या वासराचा फडशा पाडल्याची चर्चा आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
