जिया शंकर म्हणतेय… फॅशन माझे टॉनिक

सोनी सबवरील मालिका “काटेलाल ऍण्ड सन्स’’ आपली स्वप्नं पूर्ण करण्याचा प्रयत्न करणाऱया दोन बहिणींची कथा आहे. दबंग सुशीलाची भूमिका साकारत असलेली जिया शंकर तिचा प्रबळ अभिनय व अद्वितीय शैलीसह प्रेक्षकांची मने जिंकत आहे. जिया  फॅशनप्रेमी आहे आणि तिला नवीन फॅशन ट्रेण्ड्सबाबत अद्ययावत राहायला आवडते. सुशीला ऊर्फ जिया शंकरने फॅशनप्रती तिची आवड, तिला आवडणारे ट्रेण्ड्स आणि ती स्वतःला फॅशनबाबत कशाप्रकारे अग्रणी ठेवते याविषयी सांगितले. जिया शंकर फॅशनप्रती असलेल्या आवडीबाबत म्हणाली, ’मी शाळेपासूनच फॅशनप्रेमी राहिली आहे.’’ माझ्या मते, दैनंदिन जीवनाच्या वास्तविकतेमध्ये टिकून राहण्यासाठी फॅशन कवचासारखे काम करते. मी  माझ्या व्यवसायामध्ये देखील एक कलाकार म्हणून सुरू असलेल्या फॅशन ट्रेण्ड्सबाबत माहित असणे आवश्यक आहे. कारण आम्ही कोणत्याही इव्हेण्ट्सला जातो, तेव्हा काय परिधान करायला आवडेल आणि चाहत्यांना त्यांना कोणत्या पेहरावामध्ये पाहायला आवडेल हे माहित असणे आवश्यक आहे.  ’मी नेहमीच भारतातील, तसेच जगभरातील नवीन फॅशन ट्रेण्ड्सवर लक्ष ठेवून असते. ऑनलाइन फॅशन मासिके वाचने माझा नित्यक्रम बनला आहे. फॅशनप्रती माझी आवड पूर्ण करणे माझ्यासाठी तणाव दूर करण्यासारखे आहे. मला प्रकाशझोतात असणाऱया ट्रेण्ड्स आवडणार नाहीत, पण मी स्वतःला सूचित ठेवण्यासाठी त्याबाबत देखील वाचते. फॅशन ही अभिव्यक्त करण्याची कला आहे आणि मी नेहमीच माझ्या स्वतःच्या फॅशन स्टेटमेंटच्या माध्यमातून स्वतःला अभिव्यक्त करत राहिन. ‘भविष्यात माझी स्वतःचे फॅशन लेबल सुरू करण्याचे आणि माझी ही आवड अधिक आत्मीयतेने जपण्याची इच्छा आहे.’