ऑनलाईन टीम / नवी दिल्ली :
देशात कारोनाची दुसरी लाट आता हळूहळू ओसरत आहे. दिलासादायक बाब म्हणजे दैनंदिन संक्रमित रुग्णांच्या आकडय़ापेक्षा कोरोनामुक्त होणाऱ्या रुग्णांचा आकडा मोठा आहे. शनिवारी दिवसभरात 2 लाख 76 हजार 309 रुग्ण कोरोनामुक्त झाले असून, मागील दहा दिवसात 27.40 लाख रुग्णांनी कोरोनावर यशस्वी मात केली आहे.
शनिवारी देशभरात 1 लाख 65 हजार 553 नव्या संक्रमितांची नोंद झाली. तर 3460 रुग्ण दगावले. देशात आतापर्यंत 2 कोटी 78 लाख 94 हजार 800 लोक कोरोनाच्या विळख्यात अडकले आहेत. त्यामधील 2 कोटी 54 लाख 54 हजार 320 रुग्ण या आजारातून बरे झाले आहेत. सध्या 21 लाख 14 हजार 508 रुग्ण उपचार घेत आहेत. तर 3 लाख 25 हजार 972 रुग्णांनी कोरोनामुळे आपले प्राण गमावले आहेत.
देशातील 21 कोटी 20 लाख 66 हजार 614 नागरिकांना लसीचा पहिला आणि दुसरा डोस देण्यात आला आहे. शनिवारी देशात 20 लाख 63 हजार 839 कोरोना चाचण्या करण्यात आल्या.
